Sagdyn durmuş ýörelgesini berjaý etmeli, arassa agyz suwuny ýeterlikli mukdarda içmeli.
Bedenterbiýe we sport bilen meşgullanmaly.
Witamin С askorbin turşusyna baý önümleri iýmeli.
Iş ýeriňizde we öýüňizde otaglaryň howasynyň tämiz bolmagyny gazanmaly.
Keseliň ilkinji alamatlary ýüze çykan ýagdaýynda hökman maşgala lukmanyna ýüz tutmaly. Derman serişdelerini, şol sanda antibiotilkleri özbaşdak ulanmaly däl.
Şahsy we jemgyýetçilik arassaçylyk tertip-düzgünlerini berjaý etmeli.
Gahryman Arkadagymyzyň “Türkmenistanyň dermanlyk ösümlikleri” atly ylmy ensiklopediki kitabynda beýan edilýan dermanlyk ösümliklerden taýýarlanan melhem çaýlary maşgala lukmany bilen maslahatlaşyp, yzygiderli içmeli.
Gök önümleri iýilende arassaçylyk talaplary berjaý edilmeli.
Iýmit zäherlenmeleriň we ýiti içege ýokanç keselleriň öňüni almak maksady bilen, iýmit önümlerine bildirilýän arassaçylyk talaplary dogry berjaý edilmeli, olary söwda merkezlerinden satyn almaly, öý şertlerinde talabalaýyk saklamaly we belgileniş nyşanynda görkezilen möhletine laýyklykda saklamaly we ulanmaly.
Tomus paslynyň talaplaryna laýyklykda geýinmeli.
Tomus paslynda dürli mör-möjekleriň tebigatda janlanýandygyny nazara alyp, olaryň çakmagyndan goranmaly.
Günüň ýiti şöhlesinden goranmaly, başgap geýmeli ýa-da ýaglyk dakynmaly.
Howuzlarda we deňizde suwa düşülende suwa düşmekligiň tertip-düzgünlerini berjaý etmeli.
Sagdyn iýmitlenmek üçin tomus paslynda kakadylan we şöhlat önümlerini ürç edip iýmekden saklanmaly.
Öý şertlerinde azyk önümleriniň gaplanýan wagty, gaplama usullarynyň arassaçylyk talaplaryny berjaý etmeli.
Gap-çanak saklanylýan we nahar bişirilýän ýerler arassa bolmaly.
Öýden çykarylýan zyňyndylary zir-zibil üçin niýetlenen polietilen haltajyklara ýerleşdirip zyňmaly.
Türkmenistanyň Saglygy goraýyş we derman senagaty ministrliginiň Saglygy goraýşyň habarlar merkezi.