“Hürriýet” gazeti, “Türkiýe töwellaçylyk etmäge taýar” söz başyly habarynda, Prezident R. T. Erdoganyň, Ysraýyl bilen Hamasyň arasyndaky çaknyşyklar hakynda beren beýannamasynda, “Türkiýe hökmünde taraplar isleg bildiren halatynda ýesir çalşygy bilen birlikde dartgynlygyň ortadan aýrylmagy üçin töwellaçylyk etmäge taýardygymyzy nygtamak isleýärin”diýen sözlerine ýer berýär.
“Star” gazeti, “Erdogan parahatçylyk üçin işe girişdi” söz başyly habarynda, Ysraýyl bilen Palestinanyň arasyndaky dartgynlygyň ortadan aýrylmagy üçin işe girişen Prezident Erdoganyň “Palestina döwletiniň gurulmagy meselesi yza süýşürlip bilinmez” diýen sözlerini okyjylarynyň dykgatyna ýetirýär.
“Sabah” gazeti, “Erdogan liderler bilen telefon söhbetdeşligini geçirdi” söz başyly habarynda, Prezident R.T.Erdoganyň, Ysraýyl-Palestina dartgynlygynyň ortadan aýrylmagy üçin telefon diplomatiýasyny dowam etdirýändigini ýazýar.
Ysraýylyň Prezidenti Gersog we Palestinanyň Prezidenti Abbas bilen aýry aýry telefon arkaly söhbetdeşlik geçiren Erdogan, çaknyşyklaryň ortadan aýrylmagy we durnuklylygyň ýola goýulmagy üçin çagyryş berdi.Erdogan mundan başgada Müsüriň Prezidenti Sisi, Liwanyň Premýer-ministri Mikati, Malaýziýanyň Premýer-ministri Ibrahim, Kataryň Emiri Al Sani bilen telefon arkaly söhbetdeşlik geçirdi we Ysraýyl-Palestina meselesi hakynda pikir alyşdy.
“Haber Türk” gazeti, “Türkiýe terrora garşy göreşde egilşik etmez” söz başyly habarynda Prezident Erdoganyň, “Serhetlerimizde terror koridorynyň gurulmagyna asla rugsat bermeris” söz sözlerine ýer berýär. Erdogan, Yragyň we Siriýanyň demirgazygynda 1-nji oktýabrdan bäri guralýan operasiýalarda 194 ýeriň nyşana alynandygyny we 162 terrorçynyň täsirsiz ýagdaýa getirlendigini nygtady.
“Ýeni Şafak” gazeti, “Türkiýe Owganystana ynsanperwer kömegini berdi” söz başyly habarynda, Türkiýäniň, Owganysanda 2 müňden gowrak adamyň ýogalmagyna sebäp bolan ýer titremesinden soň ynsanperwer kömegini berendigini mälim edýär.