Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar.
“Haber Türk” gazeti “Prezidentiň metbugat Sekretary Kalyn Kanadadaky islamafobik hüjüme reaksiýa bildirdi” söz başyly habarynda, Prezidentiň metbugat sekretary Ibrahim Kalynyň Kanadada bir maşgaladan 4 adamyň islamafobik sebäplerden edilen jenaýat sebäpli öldürilmegine reaksiýa bildirendigini ýazýar. kalyn; “Bu, döredilen gorkynyň ýigrenje, ýigrenjiň duşmançylyga we basyşa öwrülýändigini görkezýän soňky mysal. Bu elhenç jenaýatlaryň we barbarlyklaryň öňi alynmaly” diýdi.
“Watan” gazeti “Türkiýe bilen Marokkanyň arasynda sanjym şahadatnamasy boýunça ylalaşyk” söz başyly habarynda, Daşary işler ministri Mewlüt Çawuşoglunyň wideokonferensiýa ulgamy arkaly Marokkanyň Daşary işler ministri Nasser Burita bilen duşandygyny ýazýar. duşuşykda koronawirusa garşy alynyp barylýan göreşiň çäginde sanjym şahadatnamasynyň iki taraply häsýetde ykrar edilmegi boýunça ylalaşyldy.
“Sabah” gazeti “Baku-Tibilisi-Kars demir ýoly bilen gatnadylan ýüküň mukdary 1 million tonnadan geçdi” söz başyly habarynda, Ulaglar we infrastruktura ministri Adil Karaismailoglunyň Aziýa bilen Ýewropany birikdirýän Baku-Tibilisi-Kars demir ýolundan şu günki güne çenli 1 million tonna barabar ýük gatnadylandygyny beýan edendigini okyjy köpçüliginiň dykgatyna ýetirýär.
“Hürriýet” gazeti “Deňiz önümleriniň eksporty ýarym milliard dollardan geçdi” söz başyly habarynda, Türkiýäniň soňky ýyllarda eksport performansy bilen ünsleri çekýän deňiz önümleri pudagynyň ýylyň 5 aýlyk döwründe bazar paýyny 38 göterim giňeldip, 522 million dollarlyk eksport amala aşyrandygyna ünsleri çekýär.
“Star” gazeti “Toruň soltanlary Russiýany utdy” söz başyly habarynda, Türk milli zenan woleýbol komandasynyň İtaliýanyň Rimini şäherinde geçirilen FİWB milletler ligasynyň 3-nji hepdesiniň soňky bäsleşiginde Russiýany 3-2 hasabynda utandygyny mälim edýär.