Hürriýet gazedi: "Ministr Çawuşoglynyň Azerbaýjan ýüzlenmesi" söz başyly habarynda, Türkiýäniň Daşary işler ministri Mewlüt Çawuşoglynyň, düýn Azerbaýjanyň Daşary işler ministri Jeýhun Baýramow bilen telefon arkaly söhbetdeş bolandygyny habar berýär. Mewlüt Çawuşogly: "Ermenistan mundan beýläk meçew bermelerini bes etmeli. Azerbaýjan bilen gazanan ylalaşygynyň çäginde parahatçylyk gepleşiklerine we hyzmatdaşlyga gönükmeli" diýip belledi.
Watan gazedi: "Milli Goranmak ministri Hulusi Akar Gresiýa duýduryş berdi" söz başyly habarynda, Türkiýäniň Milli Goranmak ministri Hulusi Akaryň Gresiýanyň soňky wagtlarda artan meçew bermeleri bilen baglanşykly: "Gresiýa taryhdan sapak alyň diýäris.
Täze başdan geçirmelere baş goşmaň diýäris.Käbir töwerekler siziň gulagyňyza birzatlar aýdyp biler.Olaryň dogry däldigine taryhda şaýat bolduňyz. Şol bir zady gaýtalamaň.Bu meselede akylly boluň" diýendigini mälim edýär.
Star gazedi: "Türkiye bilen iş salyşmaga dowam ediler" söz başyly habarynda, Ortaýer deňizinde NATO agza 12 ýurduň gatnaşmagynda 'Dynamic Mariner-Mawy Kit 22' atly türgenleşigiň dowam edýändigini okyjy köpçüliginiň dykgatyna ýetirýär. NATO tarapyndan berilen beýanatda: "Agressiýany eýmendirmek we alýansy goramak üçin Türkiýe we beýleki ýaranlar we hyzmatdaşlarymyz bilen ýakyndan iş salyşmaga dowam ederis" diýip bellendi.
Ýeni Şafak gazedi: "Stambul howa menzili ýene-de öňde" söz başyly habarynda, Ýewropanyň Howa menzilleri geňeşiniň 5-11-nji sentýabr aralygynyň görkezijilerini çap edendigini aýan edýär. Şoňa laýyklykda Stambul howa menzili 5-11-nji sentýabr aralygynda 1351 uçar sapary bilen Ýewropada iň gelim-gidimli howa menzili boldy.
Sabah gazedi: "Ryza Kaýaalp 5-nji gezek dünýä çempiony boldy" söz başyly habarynda, Serbiýanyň paýtagty Belgrad şäherinde geçirilýän Bütindünýä Göreş çempionatynda milli türk pälwany Ryza Kaýaalpyň eýranly türgen Amin Mirzazadehi ýeňip, 5-nji gezek dünýä çempiony bolandygyny beýan edýär.