“Ýeni Şafak” gazeti “Türkiýäniň, Germaniýanyň we Gresiýanyň arasynda möhüm duşuşyk” söz başyly habarynda, Türkiýäniň, Germaniýanyň we Gresiýanyň wekiliýetleriniň Belgiýada üçtaraplaýyn duşuşyk geçirendigini ýazýar. Duşuşykda Türkiýe bilen Gresiýanyň arasyndaky gatnaşyk kanallarynyn gaýtadan dikeldilmegi boýunça pikir alyşyldy.
“Star” gazeti “İlkinji 10 ýurtdan biri bolaryş” söz başyly habarynda, Ulaglar we infrastruktura ministri Adil Karaismailoglunyň Türkiýäniň aragatnaşyk hemrasyny öndürýän 10 ýurduň hataryna goşulmagyny üpjün etjek ilkinji ýerli aragatnaşyk hemrasy “Türksat 6A-ny” 2023-nji ýylda älem giňişligine uçurmagy meýilleşdirýändiklerini aýdandyhyny mälim edýär.
“Haber Türk” gazeti “4 burawlaýyş gämisi şol bir wagtda iş alyp barýar” söz başyly habarynda, “Türkiýäniň Nebitleri” paýdarlar jemgyýetiniň “Fatih”, “Ýawuz” we “Kanuny” burawlaýyş gämileriniň Gara denizde, “Abdülhamid Han” burawlaýyş gämisiniň bolsa Ortaýer denizinde iş alyp barýandygyny okyjy köpçüliginiň dykgatyna ýetirýär.
“Sabah” gazeti “Türk alymlary demalyş ýollaryndan diaognoz goýýan “akylly enjam” öndürer” söz başyly habarynda, türk alymlary tarapyndan emeli zehin tehnologiýasy arkaly adamyň deminiň düzüminden hassalyk diagnozuny goýýan “akylly analiz enjamyny” öndürjekdigini ýazýar.
“Hürriýet” gazeti “2022-nji Dünýä Kubogynyň çemiony Argentina” söz başyly habarynda, Argentinanyň 90 minudy 2-2, goşmaça möhleti 3-3 gutaran 2022-nji Bütindünýä Kubogynyň finalinda Fransiýany 4-2 hasabynda utup, dünýä çempiony bolandygyny mälim edýär.