“Haber Türk” gazeti “Merkezi bankyň gorlarynda täze rekord” söz başyly habarynda, Türkiýäniň Merkezi bankynyň jemi gorlarynyň artmaga dowam edýändigini ýazýar. Merkezi bankyň jemi gory 142,5 milliard dollar bilen ähli döwürleriň iň ýokary çägine ýetdi. Gorlar maý aýynyň ahyryndan bäri 44,1 milliard dollar ýokarlady.
“Ýeni Şafak” gazeti “Türkiýe elektromobil we batareýa pudagynda önümçilik merkezi bolar” söz başyly habarynda, Senagat we tehnologiýalar ministri Mehmet Fatih Kajyryň Hytaýyň paýtagty Pekinde hytaýly kärdeşi bilen duşuşandygyny mälim edýär. duşuşyklarda elektromobil we batareýa boýunça maýa goýumlaryň başda durmagynda özara hyzmatdaşlyklar hakynda pikir alyşyldy. Ministr Kajyr; “Elektromobil we batareýa pudagynda Türkiýäni önümçilik merkezine öwürmek isleýäris” diýdi.
“Star” gazeti “Türkiýe energetikada daşarky garaşlylygy ortadan aýyrar” söz başyly habarynda, yzly-yzyna tebigy gaz we nebit açyşlaryny edýan Türkiýänbiň Gabar zolagynda rekord üssüne rekord goýýandygyny ýazýar. Türkiýäniň Gabardaky nebit önümçiliginde günlük 30 müň barrelden geçildi. Energetika we tebigy serişdeler ministri Aplarslan Baýraktar “Täze açyşlar bilen Türkiýäniň pudakdaky daşarky garaşlylygyny ortadan aýyrarys” diýdi.
“Sabah” gazeti “Türkiýe logistikada ýeňilliklere eýe ýurt” söz başyly habarynda, Prezidentiň ýanyndaky Strategiýa we býujet edarasynyň Başlygynyň orunbasary Kutluhan Taşkynyň Türkiýäniň logistika taýdan uly mümkinçiliklere eýedigini aýdandygyna ünsleri çekýär. “Ýurdumyz jemi 1,4 millaird ilaty bolan 67 ýurduň 4 sagatlyk uçuş aralygynda. Şol ýurtlaryň jemi milli girdejileri 40 trillion dollara barabar.
Logistika taýdan uly mümkinçiliklere eýe bolan sebitde ýerleşýäris” diýdi.
“Watan” gazeti “THÝ-niň Baş müdiri Ekşä Braziliýanyň Döwlet nyşany ordeni berildi” söz başyly habarynda, Türkiýe bilen Braziliýanyň arasyndaky netijeli işleri sebäpli Türk howaýollarynyň Baş müdiri Bilal Ekşiniň Braziliýanyň Döwlet nyşany ordeni bilen sylaglanandygyny mälim edýär.