“Haber Türk” gazeti “ “KAAN” 2028-nji ýylda Türk harby howa güýçleriniň inwentaryna goşular” söz başyly habarynda, Prezident R.T.Erdoganyň ilkinji uçuşyny amala aşyran ýerli döwrebap harby uçar “KAAN-yň” 2028-nji ýylyň ahyrynda harby howa güýçleriniň inwentaryna goşulmagyny meýilleşdirýändiklerini aýdandygyny ýazýar. Erdogan goranyş senagatynda öň hatarlarda orun eýelemegi maksat edinýändiklerini beýan etdi.
“Ýeni Şafak” gazeti “ “KAAN” dünýäniň gün tertibinde” söz başyly habarynda, Türkiýäniň milli harby uçar “KAAN-yň” ilkinji uçuşynyň dünýä metbugatynda seslenme döretmäge dowam edýändigini ýazýar. Halkara habarlarda Türkiýäniň döwrebap harby uçar öndüren sanaglyja ýurtdan birine öwrülendigini üns çekilýär. Türkiýäniň döwrebap harby uçarlary öndürmeginiň taryhy öwrülşik nokady bolandygy nygtalýar.
“Sabah” gazeti “DKTR-nyň Prezidenti Tatar çürt kesik beýan etdi” söz başyly babarynda, Demigazyk Kipr Türk Respublikasynyň Prezidenti Ersin Tataryň türk goşunynyň ýüzöwürdiji güýç hökmünde Kiprde ýerleşmeginiň üýtgewsizdigini aýdandygyna ünsleri çekýär. Tatar “Kiprde çözgüt iki döwletiň ykrar edilmeginden başlaýar. DKTR ykrar edilmeli” diýdi.
“Star” gazeti “Somali bilen goranyş ylalaşygy güýje girdi” söz başyly habarynda, Somaliniň Prezidenti Hasan Şeýh Mahmudyň Türkiýe bilen ýurdunyň arasyndaky “Goranyş we ykdysady hyzmatdaşlyk etmek hakyndaky çarçuwaly” ylalaşygy tassyklandygyny okyjy köpçüliginiň dykgatyna ýetirýär. Mahmud; “Bu taryhy ylalaşyk milletimiziň howpsuzlygy we abadan geljegi üçin täze bir başlangyç bolup durýar” diýdi.
“Hürriýet” gazeti “Türkiýä maliýe serişdesi gelmäge dowam eder” söz başyly habarynda, Gazna we maliýe ministri Mehmet Şimşegiň türk firmalarynyň halkara bazarlarda maliýe serişdelerine elýeterliliginiň indi ýeňilleşendigini aýdandygyny ýazýar. Ministr Şimşek; “Maksatnamada göz öňünde tutulan maksatlara ýakynlaşdygymyz saýyn, ýurdumyza uzak möhletli we amatly maliýe serişdeleri hem gelmäge dowam eder” diýdi.