Türkiyäniň Daşary işler ministrligi Şwesiýada guralan hüjüm barada ýazmaça beýannama berdi.
Beýannamada düýn mekdepleriň birinde guralan hüjüme çuňňur gynanç bildirilýändigi bellenip, ýogalanlaryň maşgalalaryna we Şwesiýanyň halkyna gynanç bildirilýändigi, ýaralananlaryň bolsa tiz wagtda sagalmaklary dilenýändigi aýan edildi.
Şwesiýanyň Polisiýa gullugyndan berilen beýanatda, ýurduň Erebru şäherindäki ýaragly hüjümde takmynan 10 adamyň ýogalandygy habar berilipdi.
Ýaralanan adamlaryň jemi sanynyň entek anyk bolmandygy bellenen beýannamada, ýogalan adamlaryň şahsyýetleriniň anyklanma işleriniň dowam edýändigi we ýogalan adamlaryň arasynda hüjümçiniň hem bardygy mälim edildi.