Oraza baýramynyň ilkinji güni raýatlar baýram namazyny okamak üçin metjitlere üýşdüler.
Ir ertir bilen metjitleri dolduran musulmanlar, okalan baýram namazyndan soň aýat-töwir etdiler, biri-birlerini baýramlary bilen gutladylar.
Ýurduň paýtagty Ankara şäherinde raýatlar, ir ertir bilen metjitleri doldurdylar. Tapawutly döwletlerden gelen musulman myhmanlar metjitlere öz milli egin eşikleri bilen geldiler. Namazdan soň paýtagtyň ýaşaýjylary metjidiň içinde biri-birlerini baýramlary bilen gutladylar.
Stambulyň tapawutly ýerlerinden gelen ýaşaýjylar, ýerli we daşary ýurtly köp sanda syýahatçy, baýram namazyny şäherdäki uly we taryhy metjitlerde okadylar. Okalan namazdan soň metjidiň howulysynda we bakjasynda bir ýere jemlenen adamlar biri-birlerini baýramlary bilen gutladylar.
Türkiyäniň beýleki welaýatlarynda hem Oraza baýramynyň ilkinji gününde raýatlar baýram namazyny okamak üçin metjitlere bardylar, biri-birlerini baýramlary bilen gutladylar.
Beýleki tarapdan Ysraýylyň çäklendirmesine garamazdan Oraza baýram namazyny 60 müň musulman basyp alyşlyk astyndaky Gündogar Iýerusalimde ýerleşýän Aksa metjidinde okadylar.
Gruziýa, Gyrgyzystan, Özbegistan, Azerbaýjan, Owganystan we Şwesiýa döwletlerinde musulmanlar okalan baýram namazyndan soň, biri-birlerini baýramlary bilen gutladylar.