Türkmenistanyň daşary syýasat edarasynyň binasynda Türkmenistanyň daşary işler ministriniň orunbasary M.Bäşimowa bilen Saud Arabystany Patyşalygynyň ilçisi Said Osman Ahmed Suweýdiň arasynda duşuşyk geçirildi.
TDIM-niň resmi web-saýtynyň habar bermegine görä, 28-nji fewralda geçirilen duşuşykda türkmen-saud hyzmatdaşlygynyň häzirki ýagdaýy hem-de onuň mundan beýläk-de ösdürilmeginiň mümkinçilikleri barada pikir alşyldy.
Belläp geçsek, 2022-nji ýylyň dekabrynda Aşgabat şäherinde Türkmenistanyň Daşary işler ministri Raşid Meredow bilen Saud Arabystany Patyşalygynyň Daşary işler ministri Faýsal bin Farhan Al-Saudyň arasyndaky syýasy geňeşmeleriniň netijeleri boýunça gazanylan ylalaşyklaryň ýerine ýetirilişi barada pikir alşyldy.
Çeşmäniň habar bermegine görä, duşuşykda ikitaraplaýyn çäreleriň meýilnamasy we gün tertibi, şeýle hem 2023-nji ýylyň dowamynda dürli derejelerde geçirilmegi meýilleşdirilýän özara saparlar ara alnyp maslahatlaşyldy.