22-nji noýabrda Türkmenistanyň Daşary işler ministrliginiň wekiliýeti Moskwada GDA-nyň Ýerine ýetiriji komitetiniň we Ynsanperwer hyzmatdaşlyk boýunça döwletara gaznasynyň wekilleri bilen birnäçe iş duşuşyklaryny geçirdi. Bu barada Ýerine ýetiriji komitetiň metbugat gullugy tarapyndan habar berildi.
Bellenilişi ýaly, Türkmenistanyň Daşary işler ministrliginiň maglumat we seljeriş bölüminiň başlygy Myrat Özbekbaýew we Türkmenistanyň daşary syýasaty we diplomatiýasy žurnalynyň jogapkär kätibi Akmuhammet Jumagulyýew GDA-nyň Ýerine ýetiriji komitetiniň maglumat we seljeriş bölüminiň müdiri Aleksandr Matýaş we GDA-nyň Ýerine ýetiriji komitetiniň metbugat gullugynyň başlygy Swetlana Malinina bilen duşuşdy.
Duşuşykda taraplar mundan beýläk-de maglumat alyşmak, Arkalaşygyň ýokary edaralarynyň mejlislerini çap we elektron köpçülikleýin habar beriş serişdeleri arkaly şöhlelendirmegiň amaly taraplary dogrusynda pikir alyşdylar.
Şeýle hem, wekiliýet GDA-nyň gatnaşyjy ýurtlarynyň Ynsanperwer hyzmatdaşlyk boýunça döwletara gaznasynyň maglumat neşiriniň taslamasynyň we GDA-nyň agza ýurtlarynyň Ynsanperwer hyzmatdaşlyk boýunça Forum plýus geňeşiniň ýolbaşçysy Nelli Petkowa bilen duşuşyk geçirdi. Duşuşykda N.Petkowa türkmen kärdeşlerine neşiriň maglumat mazmuny barada gürrüň berdi.
Duşuşyklaryň netijesinde taraplar özara gatnaşyk we mundan beýläk hem hyzmatdaşlygy dowam etmek barada ylalaşdylar.