Türkmenistanyň prezidenti Gurbanguly Berdimuhamedow Ministrle kabinetiniň göçme mejlisinde Amyderýanyň üstünden gurlan Türkmenabat-Farap demirýol we awtomobil köprüsiniň golaýynda ýadygärlik ýazgyly ýadygärlik dikmek baradaky karara gol çekdi diýip, TDH döwlet habar gullugy habar berýär.
Karara laýyklykda, bu ýadygärligi buýrujy-da, şol bir wagtda onuň potratçysy-da Demirýol transporty ministrligi bolar. Proýektiň üstünde işlemek 2017-nji ýylyň noýabrynda başlanyp, ýadygärligi 2018-nji ýylyň martynda açmakçy bolýarlar.
Ýatladýarys, Türkmenabat-Farap awtomobil we demirýol köprüleri 2017-nji ýylyň martynda, Özbaegistanyň prezidenti Şawkat Mirziýoýewiň Türkmenistana resmi sapary mahalynda açyldy.
Biraz soň Türkmenabat-Farap awtomobil köprüsinden geçen daşary ýurtly raýatlardan töleg alynjakdygy yglan edildi.