Türkmenistan bilen Özbegistan özara hyzmatdaşlygy çuňlaşdyrmagyň geljegini maslahatlaşdy

Türkmenistan bilen Özbegistan özara hyzmatdaşlygy çuňlaşdyrmagyň geljegini maslahatlaşdy

Özbegistanyň Daşary işler ministriniň wezipesini wagtlaýyn ýerine ýetiriji Bahtiýor ​​Saidow we Türkmenistanyň Özbegistandaky Adatdan Daşary we doly ygtyýarly ilçisi Ýazguly Mämmedow penşenbe güni Daşkentde geçirilen duşuşykda özbek-türkmen dost-doganlyk, hoşniýetli goňşuçylyk gatnaşyklaryny we strategiki hyzmatdaşlygyny has-da çuňlaşdyrmagyň geljegi barada pikir alyşdylar. Bu barada Özbegistanyň Daşary işler ministrliginiň resmi metbugaty habar berdi.

Duşuşygyň dowamynda taraplar özara söwda dolanyşygynyň görkezijilerini ýokarlandyrmaga, söwda we senagat hyzmatdaşlygy boýunça bilelikdäki taslamalaryň durmuşa geçirilmegini tizleşdirmäge degişli bolan anyk teklipleri ara alyp maslahatlaşdylar.

Şeýle hem iki ýurduň wekilleri medeni-ynsanperwer ulgamlardaky hyzmatdaşlygy ösdürmäge taýýardyklaryny bellediler.

Duşuşygyň ahyrynda taraplar iki ýurduň arasyndaky diplomatik gatnaşyklaryň ýola goýulmagynyň 30 ýyllygyny bellemek üçin meýilleşdirilen çäreleriň tertibi boýunça pikir alyşdylar.

Ýene degişli makalalar

Türkmenistanyň täze ilçisi Özbegistanyň DIM-niň ýolbaşçysyna ynanç hatynyň nusgasyny gowşurdy
Özbegistanyň Daşary işler ministrliginde diplomatik işini tamamlaýan Türkmenistanyň ilçisi bilen duşuşyk geçirildi
Türkmen ilçisi Özbegistanyň daşary syýasat edarasynda kabul edildi
Aşgabatda Türkmenistanyň, Täjigistanyň we Özbegistanyň Prezidentleriniň Sammiti geçiriler
Aşgabatda Türkmenistanyň, Täjigistanyň we Özbegistanyň döwlet Baştutanlarynyň Sammiti geçiriler, Gurbanguly Berdimuhamedow adyndaky haýyr-sahawat gaznasy çagalaryň Awazada dynç alşyny üpjün eder we beýleki habarlar
Türkmenistanda ahalteke atlarynyň marafony geçirildi, Urumçiden Aşgabada dowamly howa gatnawlary gaýtadan dikeldildi, üç sany türkmen kinofilmi Koreýadaky festiwala iberildi we beýleki habarlar