Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow 30-njy noýabr 1-nji dekabr aralygynda Hytaýyň günorta-günbataryndaky Syçuan sebitiniň merkezi şäheri Çenduda geçiriljek Merkezi Aziýa ýurtlarynyň we Hytaýyň daşary işler ministrleriniň 5-nji maslahatyna gatnaşar. Bu barada HHR-iň Daşary işler ministrliginiň resmi wekili Mao Nin mälim etdi.
“Sinhua” agentliginiň penşenbe güni habar bermegine görä, Hytaýyň Kommunistik partiýasynyň Merkezi komitetiniň Syýasy býurosynyň agzasy, HHR-iň daşary işler ministri Wan Iniň başlyklyk etmeginde geçiriljek maslahata Türkmenistanyň, Gazagystanyň, Gyrgyzystanyň, Täjigistanyň we Özbegistanyň daşary syýasy edaralarynyň ýolbaşçylary gatnaşarlar.
Merkezi Aziýa ýurtlarynyň diplomatik edaralarynyň ýolbaşçylary hytaý tarapy bilen sebit hyzmatdaşlygyny çuňlaşdyrmak, özara gatnaşyklary berkitmek ýaly hyzmatdaşlygyň möhüm meselelerini ara alyp maslahatlaşarlar.
Merkezi Aziýa ýurtlarynyň we Hytaýyň daşary işler ministrlikleriniň 4-nji maslahaty HHR-iň Döwlet geňeşiniň agzasy, daşary işler ministri Sin Ganyň başlyklygynda 27-nji aprelde Sian şäherinde geçirildi.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
X: Biznes Türkmenistan
Dzen: Бизнес Туркменистан