“Türkmenistan-Owganystan-Pakistan-Hindistan” (TOPH) gaz geçirijisiniň gurluşygy Owganystanda parahatçylygy ornaşdyrmakda möhüm ähmiýete eýe. Bu pikir “Hindistan-Merkezi Aziýa” dialogynyň Owganystanyň gatnaşmagynda Samarkantda geçirilen ilkinji ministrler duşuşygynda wise-premýer, Türkmenistanyň daşary işler ministri Reşit Meredow tarapyndan aýdyldy diýip, TASS 13-nji ýanwarda habar berdi.
“TOPH taslamasy Owganystanda durnuklylygy goldamak üçin hakyky predposylkalary döreder, diňe Owganystanyň özünde 12 müň iş ornuny emele getirer, döwlet gaznasyna ýylda 1 milliard dollara golaý girdeji girmegini üpjün eder” diýip, Meredow aýtdy.
13-nji ýanwarda Samarkant duşuşygyna gatnaşyjylar transport we logistika ugrundan hyzmatdaşlyk etmegiň perspektiwaly ugurlaryny, senagat, energetia, saglygy saklaýyş, derman segaty ugurlaryna maýa goýumlaryny çekmegi, innowasiýalar we tehnologiýalar, şeýle-de medeniýet, ylym, bilim we syýahatçylyk boýunça hyzmatdaşlyk etmek meselelerini ara alyp maslahatlaşýarlar.
Samarkantdaky foruma Hindistanyň daşay syýasat edarasynyň başlygy Suşma Swaraj, Gyrgyzsystandan Çingiz Aýdarbakow, Täjigistandan Sirojiddin Muhriddin, Türkmenistandan Reşit Meredow, Özbegistandan Abdulaziz Kamilow, Gazagystandan Beýbut Atamkulow, Owganystandan Salahuddin Rabbani gatnaşýar.