Babadaýhan etrabyndaky 15-nji orta mekdebiň 8-nji synp okuwçysy Gudrat Öwezgeldiýew ýetginjekleriň arasyndaky Aziýanyň çempionatynda bürünç medala mynasyp boldy. Ol bu üstünligi 56 kilograma çenli agram derejesindäki türgenleriň arasynda gazandy.
Yklym çempionaty Hytaý Halk Respublikasynyň Makao şäherinde geçirilýär. 14-nji awgustda başlanan çempionat 21-nji awgustda tamamlanar. Yklym çempionatyna 26 döwletden 1000-e golaý türgen gatnaşýar.
Ýeri gelende aýtsak, Aziýanyň çempionatyna Türkmenistandan 8 türgen gatnaşýar.