Türkmenistanda 2022-nji ýylda üç sany maldarçylyk, üç sany hem guşçulyk hojalygy, iki sany sowadyjy ammar, sekiz sany ýyladyşhana, dört sany azyk ugurly kärhana işe girizildi. Bu barada Türkmenistanyň resmi metbugaty duşenbe güni habar berdi.
Habarda bellenilişi ýaly, täze önümçilik desgalaryň işe girizilmegi öndürilýän önümleriň möçberiniň artmagyna ýardam etdi. Şeýle-de geçen ýylyň dowamynda 227 sany täze önüm öndürilip başlandy.
Oba hojalyk önümlerini öndürmekde türkmen işewürlerine möhüm orun degişlidir. Olar et, süýt, ýumurtga, balyk, un, şeker, ýag önümleriniň, çaga iýmitleriniň, gök we miwe şireleriniň, agyz suwlarynyň, süýji-kökeleriňdir doňdurmalaryň dürli görnüşlerini öndürýärler.
Türkmenistanyň “Sahabatly”, “Ajaýyp ussat — halal önümler”, “Garlawaç-1” hojalyk jemgyýetleriniň, “Uly ynam” daýhan hojalygynyň, “Bereketli jaý” hususy kärhanasynyň, şeýle hem Boldumsaz etrabyndan telekeçi Arslan Çowdurowyň maldarçylyk toplumlarynda süýt we et önümleri öndürilýär.
“Ajaýyp ussat — halal önümler” hojalyk jemgyýetinde günde her sygyrdan 25 litr süýt, “Uly ynam” daýhan hojalygynda aýda 8 tonna süýt, “Sahabatly” hojalyk jemgyýetinde bolsa her gün 5,5 tonna çenli süýt alynýar.
“Sahabatly” hojalyk jemgyýetiniň maldarçylyk toplumynda häzirki wagtda süýdi köp berýän tohum mallaryň 500-e golaýy, geçileriň hem 500-den gowragy idedilýär.