Türkmenistanly maldarlar gyşa taýýarlyk işlerini tamamlaýjy tapgyrda alyp barýarlar. Bu baradaМИР 24 habar berýär.
Gyş möwsümi başlamaz ozal ätiýaçlyk ot-iýmleri bilen üpjün etmek we mallaryň gyşdan abat çykmagy üçin fiziki ýagdaýyna gözegçilik etmek möhümdir.
Türkmenistandaky käbir iri maldarçylyk toplumlary ot-iým önümlerini ösdürip ýetişdirmek üçin öz ýerlerini ulanýarlar.
Russiýanyň habarlar gullugynyň wekilleri şeýle toplumlaryň birine baryp gördüler.
Bu ammarda mallaryň iýmini saklaýarys. Bu ýerde ätiýaçlyk ot-iýmleri saklamak üçin ähli zerur şertler bar. Ot-iýmiň her görnüşi aýratyn ammarda saklanýar. Häzirki wagtda ätiýaçlyk ot-iýmleri taýýarlamak dowam edýär diýip, Sahabatly maldarçylyk toplumynyň işgäri Meretdurdy Babaýew žurnalistlere gürrüň berýär.
Mallaryň gyşlamagy üçin ýataklary taýýarlaýarys. Mallary saklamak üçin ähli zadyň ýerbe-ýer bolmagy möhümdir. Mallaryň immuniteti eýýäm güýçlendirildi diýip, ýerli weterinar Çary Ýagmyrow gürrüň berýär.
Möwsüme taýýarlykdan daşary mallara weterinar lukmanlarynyň aýratyn ünsi we güýçlendirilen ot-iýmler zerur bolup durýar. Şoňa laýyklykda, sygyrlar günde iki gezek iýmitlendirilýär. Her bir sygyr üçin günde azyndan 40 kilogram iýmit sarpanylýar.