Türkmenistanda çagalaryň ösüşine gözegçilik etmek üçin elektron ulgam döredildi

Türkmenistanda çagalaryň ösüşine gözegçilik etmek üçin elektron ulgam döredildi

Türkmenistanda saglygy goraýyş işgärleri üçin Çaganyň ösüşine gözegçilik etmek boýunça täzelenen elektron Gollanmanyň (CMDM) ulanylyşy bilen tanyşdyrmak üçin okuw-treningleri geçirilýär. Bu barada Türkmenistan: Altyn asyr elektron gazetinde habar berildi.

Gollanma geçen ýyl işlenip düzüldi. Ol ýurduň paýtagtynda we welaýatlarynda irki ýüze çykarmak, goşulyşmak we pediatriýa maksatnamasynyň çäginde işlenip taýýarlanyldy. Gözegçilik gollanmasy lukmanlaryň we mugallymlaryň işiniň durmuşyň irki döwürlerinde çagalaryň ösüşindäki kynçylyklary ýüze çykarmakda has täsirli bolmagy üçin döredildi.

Türkmenistanyň Saglygy goraýyş we derman senagaty ministrligi we Birleşen Milletler Guramasynyň Çagalar Gaznasy (ÝUNISEF) tarapyndan birnäçe okuw geçirildi. Okuw-treninglere Türkmenistanyň başlangyç saglygy goraýyş merkezleriniň hünärmenleri çagyryldy. Okuw barşynda programmanyň işleýşi we elektron Gollanma ulgamyny ulanyp, maglumat ýygnamak tejribesi bilen tanyşdyryldy.

Dekabr aýynda sebitlerde lukmanlary we mekdebe çenli çagalar işgärlerini taýýarlaýan hünärmen tälimçiler ulgamyny döretmek meýilleşdirilýär diýip, çeşme belleýär.

Ýene degişli makalalar

Derňew: Türkmenistanda žurnalistiň ölümi pagta meýdanlarynda mejbury zähmetiň öňündäki perdäni açýar
Balkanda býujet işgärleriniň mejbury ýygyma çekilmegi dowam edýär, gowaça meýdanlaryna gözegçilik güýçlenýär
Türkmenistanyň futbol çempionaty ― 2024: 4-nji tapgyrda Maryda birbada iki duşuşyk geçiriler
Türkmenistanyň futbol çempionatynda ikinji aýlawa badalga berilýär
Türkmenistanyň futbol çempionaty: 5-nji tapgyryň duşuşyklary barada maglumatlar paýlaşyldy
Polisiýa 'ahlak göreşini' güýçlendirýär, ýaş ýigitler 'hilebazlygyň gurbany' bolýar