25-nji oktýabrda Kuala-Lumpur şäherinde Türkmenistanyň Malaýziýadaky ilçihanasy tarapyndan Magtymguly Pyragynyň 300 ýyllygyna we 2024-nji Pähim-paýhas ummany Magtymguly Pyragy ýylyna bagyşlanan halkara medeni çäre guraldy. Bu barada Türkmenistanyň DIM-niň resmi saýtynda habar berildi.
Habarda bellenilişi ýaly, dabara Malaýziýanyň bilim ministri, Daşary işler ministrliginiň wekilleri, Malaýziýada akkreditlenen diplomatik wekilhanalaryň ýolbaşçylary we wekilleri, alymlar we medeni işgärler, şeýle hem türkmen talyplary gatnaşdylar.
Çäräniň çäginde Magtymguly Pyragynyň medeni we edebi mirasyna bagyşlanan sergi guraldy diýlip, habarda bellenilýär.