Türkmenistanyň Ministrler kabinetiniň başlygynyň orunbasary Batyr Ereşow 52 ýaşynda Aşgabatda aradan çykdy. Bu barada TDH döwlet habar agentligi habar berýär.
Batyr Ereşow 1966-njy ýylyň 13-nji iýunynda Lebap welaýatynyň Garaşsyzlyk etrabynyň S.A.Nyýazow şäherçesinde eneden doguldy.
Ol 1990-njy ýylda Turkmen politehniki institutyny inžener gurluşykçy hünäri boýunça tamamlady, zähmet ýoluna 1990-njy ýylda başlady.
1993-nji ýylda Lebap welaýatynyň Garaşsyzlyk etrabynyň häkimliginiň hünärmeni bolup işledi.
1993-2006-njy ýyllarda Lebapgurluşyk önümçilik birleşiginde dürli wezipeleri eýeledi.
2006-njy ýyldan 2009-njy ýyla çenli Türkmenabat şäheriniň Gazygaýtadanişleýiş müdirliginiň düýpli gurluşyk bölüminiň müdiri, müdirligiň başlygynyň orunbasary wezipelerinde işledi.
2009-njy ýylda Lebap welaýatynyň Türkmenabat şäheriniň häkiminiň orunbasary, 2012-nji ýylda Seýdi şäheriniň häkimi wezipesine bellenildi.
2013-nji ýylyň fewral aýyndan iýul aýyna çenli Türkmenistanyň Ministrler kabinetiniň Aýratyn möhüm we düýpli gurluşyklara gözegçilik bolumimn mudiri boldy.
2013-nji ýylyň iýul aýynda Türkmenistanyň Gurluşyk ministri wezipesine bellenildi.
2014-nji ýylyň aprel aýyndan iýul aýyna çenli Türkmenistanyň Gurluşyk we binagärlik ministri wezipesinde işledi.
2014-nji ýylyň iýul aýynda Türkmenistanyň Ministrler kabinetiniň başlygynyň orunbasary wezipesine bellenildi.