Türkmenistanyň Prezidenti Serdar Berdimuhamedow Awstriýa, Azerbaýjan, Belgiýa, Fransiýa, Moldawa, Türkiýe we Ýaponiýa täze ilçileri belledi. Döwlet Baştutanynyň degişli Kararlary şu gün Türkmenistan gazetinde çap edildi.
Prezident Serdar Berdimuhamedow Gurbanmämet Elýasowy Türkmenistanyň Azerbaýjandaky ilçisi edip belledi we Mekan Işangulyýewi bu wezipeden boşatdy. Döwlet Baştutanynyň başga bir Permany bilen Mekan Işangulyýew Işanguly Amanlyýewiň ýerine Türkmenistanyň Türkiýedäki ilçisi wezipesine bellendi.
Türkmenistanyň Prezidenti Atadurdy Baýramowy Türkmenistanyň Ýaponiýadaky ilçisi wezipesine belledi we ony Russiýadaky (Kazan şäheri) Türkmenistanyň Baş konsuly wezipesinden boşatdy.
Toýly Ataýew Türkmenistanyň Moldawadaky (şol bir wagtyň özünde Ukrainada) ilçisi wezipesine bellenildi.
Döwlet Baştutanynyň Permany bilen Sapar Palwanow Türkmenistanyň Belgiýadaky ilçisi wezipesine bellendi. Türkmenistanyň Prezidenti Çary Ataýewi Türkmenistanyň Belgiýa Patyşalygyndaky (Brýussel şäheri) Adatdan daşary we Doly ygtyýarly ilçisi, Türkmenistanyň Niderlandlar Patyşalygyndaky Adatdan daşary we Doly ygtyýarly ilçisi, Himiýa ýaraglaryny gadagan etmek baradaky guramanyň ýanyndaky Türkmenistanyň hemişelik wekili hem-de Türkmenistanyň Ýewropa Bileleşiginiň ýanyndaky wekilliginiň ýolbaşçysy wezipelerinden boşatdy.
Türkmen Lideri Maksat Çaryýewi Türkmenistanyň Fransiýadaky ilçisi edip belledi.
Hemra Amannazarow Awstriýadaky täze türkmen ilçisi wezipesine bellenildi. Täze ilçi Silapberdi Nurberdiýewiň ornuna bellenildi.
Mundan başga-da, Türkmenistanyň Prezidenti Myrat Mämmetalyýewi başga işe geçmegi sebäpli, Türkmenistanyň Koreýa Respublikasyndaky we Singapurdaky ilçisi wezipelerinden boşadyldy.