10-njy ýanwarda Türkmenistanyň Russiýa Federasiýasyndaky Adatdan daşary we Doly ygtyýarly ilçisi Esen Aýdogdyýew GDA-nyň Baş sekretary Sergeý Lebedew bilen duşuşdy. Duşuşyk GDA-nyň Ýerine ýetiriji komitetiniň Moskwadaky bölüminde geçirildi.
GDA-nyň Ýerine ýetiriji komitetiniň metbugat gullugynyň beýannamasynda bellenilişine görä, duşuşygyň dowamynda taraplar Türkmenistanyň Garaşsyz Döwletleriň Arkalaşygynyň çägindäki köptaraplaýyn hyzmatdaşlygyna gatnaşmagy we şu ýyl geçirilmegi meýilleşdirilýän bilelikdäki çäreleriň tertibi bilen baglanyşykly meseleleri ara alyp maslahatlaşdylar.