Tejribeli ýarym goragçy Elman Tagaýew Ahalyň düzüminde Ýokary ligada geçiren gollarynyň sanyny 30-a çykardy.
Ol bu netije bilen toparda Türkmenistanyň çempionatynda 2013-nji ýyldan bäri iň kän tapawutlanan futbolçylaryň arasynda ilkinji üçlüge girdi. Elman Tagaýew bu ornuň ozalky eýesi ― 29 golly Didar Hajyýewi yzda galdyrdy.
Ýeri gelende aýtsak, ýokarda agzalan möwsümden bäri Ahalda iň kän tapawutlanan futbolçy Didar Durdyýewdir. Ol jemi 37 pökgi geçirdi. Ikinji orundaky Wahyt Orazsähedowyň hasabynda 33 gol bar.