“Reýteriň” we “AFP-niň” atsyz çeşmelere esaslandyrýan habaryna görä Ukrainanyň howpsuzlyk güýçleri Moskwada geçirilen ýörite operasiýalardan birinde rus generaly Igor Kirillowy öldürdi.
Resmi Kiýew Kirillowy harby jenaýatçy hökmünde kabul edýärdi we Ukrainanyň goşunyna garşy gadagan edilen himiki ýaraglaryň ulanylmagy hakynda görkezme berendigini öňe sürýärdi.
Kiýew Kirillowy “dolulygyna kanuny nyşana” diýip, häsýetlendiripdi. Russiýanyň Howpsuzlyk geňeşiniň Başlygynyň orunbasary Dmitri Medwedew bu aksiýa üçin Ukrainanyň hökümetine ýakyn gelejekde gaýtawul görkeziljekdigini duýdurdy.