Ukrainanyň Odessa şäheriniň howa menzilinde geçirilen gazuw agtaryş işlerinde ozalky Sowet Soýuzynyň döwlet ýolbaşçysy Iosif Staliniň döwrüne degişlidigi kesgitlenen köpçülikleýin gonamçylyk tapyldy.
Odessanyň häkimliginden berilen beýannama görä 1930-njy ýyllaryň ahyrlaryna degişlidigi çaklanylýan gubyrlar, howa menziliniň giňeldilmegi üçin geçirilen barlaglaryň dowamynda ýüze çykdy.
5 gekdar meýdanda ýerleşýän 29 gubyrda 5-18 müň adamyň galyndylarynyň tapylandygy habar berildi.
Howa menzilindäki gazuw-agtaryş işleri bolsa dowam edýär.
1930-1941-nji ýyllaryň aralygynda “Uly Stalin Arassaçylygy” atlandyrylan köpçülikleýin gyrgynçylyklar edilipdi.
Ukrain taryhçylary şol döwürde 8 müňe barabar adamyň Sowet milisiýasy tarapyndan öldürilendigini we ýurduň başga ýerlerinde-de köpçülikleýin gonamçylyklaryň bardygyny öňe sürýän hem bolsa, bellige alynmandygy üçin gurbanlaryň şahsyýetleriniň anyklanmagynyň mümkin däldigi aýdylýar.