Wenesuelanyň Maglumatlar ministrligi sosial media hasabyndan ýer titremesi bilen bagly täze maglumatlary paýlaşdy.
Beýanatda ýer titremesinde ýogalanlaryň sanynyň 2954 adama ýetendigi, 16592 adamyň ýaralanandygy we takmynan 16000 adamyň öýsüz galandygy aýdylýar.
Beýanatda gözleg we halas ediş işleriniň çäginde şu wagta çenli 6462 adamyň halas edilendigi bellenildi.
Wenesuelada iki aýry güýçli ýer titremesi başdan geçirilipdi
ABŞ-nyň Geologiýa derňew merkezi (USGS) 24-nji iýunda Wenesuelada 39 sekunt aralyk bilen 7,2 we 7,5 bal ululyklarynda iki aýry ýer titremesiniň bolandygyny habar berdi.
Birleşen Milletler Guramasynyň Ösüş Maksatnamasy (UNDP) 26-njy iýunda ýer titremeleriň ýetiren gönüden-göni fiziki zyýanynyň bahasynyň 6,7 milliard dollara barabar bolandygyny aýan etdi.
Ýer titremelerinden soň dogan-garyndaşlary tarapyndan dereksiz ýitendigi habar berilen adamlaryň sany 27-nji iýuna çenli 68 müňden geçendigi habar berildi.
Gözleg we halas ediş işleriniň dowam edýän ýurdunda ýogalanlaryň we ýaralananlaryň sanynyň artmagyna alada bildirilýär.