Prezident Gurbanguly Berdimuhamedow 21-nji aprelde, Türkmenistanyň Ministrler kabinetiniň mejlisinde 1941-1945-nji ýyllaryň urşunda gazanylan Ýeňşiň 72 ýyllygy mynasybetli sowgat gowşurmak baradaky karara gol çekdi. Bu barada ТДХ habar berýär.
Karara laýyklykda, welaýatlaryň, şäherleriň we etraplaryň häkimlikleri, Türkmenistanyň Ýaşulularynyň maslahatynyň edarasy uruş weteranlaryna hem-de uruşda wepat bolan esgerleriň ýanýoldaşlaryna Türkmenistanyň prezidentiniň adyndan 200 manat möçberde pul sowgadyny hem-de gymmat bahaly sowgatlary dabaraly ýagdaýda gowşurmaga borçly edildi.
Ýatladýarys, Türkmenistanda 2012-nji ýylda “Beýik Watançylyk urşy” diýilmegini bes etdiler, şondan bäri diňe “1941-1945-nji ýyllaryň urşy” diýilýär.