Russiýanyň Prezidenti Wladimir Putin resmi sapar bilen Gyrgyz Respublikasyna bardy. Bu barada gyrgyz metbugaty habar berýär.
Ýurduň paýtagty Bişkek şäherindäki “Manas” halkara howa menzilinde Wladimir Putini Gyrgyz Respublikasynyň Ministrler Kabinetiniň Başlygy Akylbek Žaparow garşylady.
Russiýanyň Prezidenti bu resmi saparynyň çäklerinde Gyrgyz Respublikasynyň Prezidenti Sadyr Žaparow bilen gepleşikler geçirer. Şeýle hem Wladimir Putin Bişkek şäherinde geçiriljek Garaşsyz Döwletleriň Arkalaşygynyň düzümine girýän döwletleriň Baştutanlarynyň geňeşiniň mejlisine gatnaşar.
Garaşsyz Döwletleriň Arkalaşygynyň düzümine girýän döwletleriň Baştutanlarynyň geňeşi ertir ýagny 13-nji oktýabrda geçiriler.
Sammitiň çäklerinde Özbegistanyň Samarkant şäheriniň 2024-nji ýylda GDA-nyň medeni paýtagty diýlip yglan edilmegine garaşylýar.