Başa-baş söweşi boýunça “Bellator & Rizin” ady bilen geçirilen ýaryşyň çäginde russiýaly Fýodor Ýemelýanenko bilen amerikaly Kuinton Jekson duşuşdy. Ýaponiýanyň Saitama şäherinde geçirilen tutluşyk eýýäm birinji döwde tamamlandy. Ýagny Ýemelýanenko güýçli garşydaşyny 2 minut 44-nji sekuntda nokaut bilen ýeňlişe sezewar etdi.
Bu 43 ýaşly Ýemelýanenkonyň 46-njy duşuşygyndaky 39-njy ýeňşi boldy. Şol bir wagtyň özünde-de Ýemelýanenko 15-nji gezek nokaut bilen ýeňiş gazandy. 41 ýaşly Jekson bolsa, 52-nji duşuşygynda 14-nji sapar ýeňlişe sezewar boldy.