Lufthansa toparyna degişli bolan 850 töweregi ýolagçy uçarynyň ählisinde Starlink-iň interneti elýeterli ediler. Şu ýylyň dowamynda awiakompaniýanyň häzirki bar bolan hem-de indi satyn alynjak uçarlary ýokary tizlikli internet bilen üpjün edilip başlanar. Şeýlelikde, ýolagçylar wideo tomaşa edip, internet bilen bagly işlerini ýerine ýetirip bilerler. Bu hyzmat ähli ýolagçylara tölegsiz hödürlener.
Iri kompaniýalaryň köpüsinde ýolagçylara internet hyzmaty hödürlenýär. Munuň üçin adatça kosmos internetinden peýdalanylýar. Lufthansa Ýewropada iň köp uçaryny internet bilen üpjün eden kompaniýa bolar. SpaceX kompaniýasyna degişli bolan Starlink ulgamy emeli hemralar arkaly ýokary hilli interneti üpjün edýär.
Gurban Gurbanow,
Türkmenistanyň Döwlet migrasiýa gullugynyň harby gullukçysy, maýor.