Ysraýylyň harby goşunynyň basyp alyşlyk astyndaky Gaza Sektoryna garşy düýn gije guran hüjümlerinde zenanlar we çagalar bilen birlikde onlarça palestinaly öldürildi.
Palestinanyň resmi habarlar gullugy WAFA-nyň berýän habaryna görä, Ysraýyl hüjümleriň 155-nji gününde Gaza Sektoryna garşy howadan, gury ýerden we deňizden guraýan hüjümlerini dowam etdirdi.
Ysraýylyň Jibaliýa bosgun düşelgesine guran hüjüminde çagalar bilen birlikde 9 adam ýogaldy, köp sanly adam hem ýaralandy.
Deýr Al Belah etrapçasyna guralan hüjümde bolsa azyndan 5 adam öldürildi.
Gaza Sektorynyň günortasynda ýerleşýän Han Ýunusa guralan hüjümde hem palestinalylaryň ýaşaýyş jaýlary nyşana alyndy.
Hüjümde çagalar we zenanlar bilen birlikde azyndan 23 adam ýogaldy, köp sanly adam ýaralandy.
Ysraýylyň Gazanyň Zeýtun etrapçasynda azyk kömegini almak bilen garaşýan palestinalylara guran hüjüminde bolsa azyndan 20 adam ýaralandy.