Palestinanyň Gyzyl ýarymaý jemgyýeti tarapyndan berilen beýanata görä, Ysraýylly esgerleriň od açmagy netijesinde palestinaly Emir Bestami ýogaldy, birnäçe adam ýaralandy.
Şaýatlaryň beren maglumatyna görä, Nablus şäherindäki bir öýe garşy operasiýa geçiren Ysraýylyň howpsuzlyk güýçleri bilen palestinalylaryň arasynda ýaragly çaknyşyk boldy.
Operasiýada ysraýylly esgerler hakyky oklary we granat ulandylar.
Beýleki tarapdan "Arslanyň Hini" atly palestinaly bir topar, Nablus şäherinde ysraýylly esgerler bilen ýaragly çaknyşyga girendiklerini habar berdi.
Beýleki tarapdan bolsa Ysraýylyň howpsuzlyk güýçleriniň, basyp alyşlyk astyndaky Gündogar Iýerusalimiň Abu Dis etrapçasynda geçiren operasiýasynda 4 palestinalynyň ýaralanandygy mälim edildi.
Abu Dis etrapçasynda operasiýa geçiren ysraýylly esgerler bilen palestinalylaryň arasynda dartgynly pursatlar başdan geçirildi.
Palestinanyň Gyzyl ýarymaý jemgyýeti tarapyndan berilen ýazmaça beýanatda, Ysraýylyň howpsuzlyk güýçleriniň od açmagy netijesinde 4 palestinalynyň ýaralanandygy, 59 palestinalynyň gözüňi ýaşardýan gazdan zäherlenendigi, 8 palestinalyda bolsa ses bombalarynyň ulanylmagy netijesinde ýanyklar emele gelendigi aýan edildi.