Ysraýylyň harby uçarlarynyň Indoneziýa hassahanasynyň töweregine hüjümler guramagy netijesinde ilkinji kesgitlemelere görä 8 adam ýogaldy, 2-si lukman onlarça adam ýaralandy.
Hassahananyň 2-nji gatyna hüjümler sebäpli uly zeper ýetdi.
Hassahana oklar bilen ot açylandygy we töweregine toplar bilen hüjümler guralandygy mälim edildi.
Palestinanyň habarlar agentligi WAFA tarapyndan berilen habara görä, Gazanyň günortasyndaky Han Ýunus şäheriniň demirgazyk-günbataryna guralan howa hüjümlerinde onlarça adam ýogaldy.
Han Ýunusuň gündogaryndaky Beni Sehila etrapçasyna we Gaza şäheriniň günortasyndaky Zeýtun we Sahra etrapçalaryna toplar bilen guralan hüjümlerde ençeme adam ýogaldy we ýaralandy.
Hamasyň harby şahasy Kassam topary, 7-nji oktýabrda Ysraýyla garşy "Aksa tupany" ady bilen giň gerimli hüjümler başladandygyny mälim etdi.
Ysraýylyň goşuny oňa jogap hökmünde harby uçarlary bilen Gaza garşy "Demir Gylyçlar" atly operasiýa başladandygyny habar beripdi.
Başdan geçirilýän çaknyşyklar sebäpli aglabasy çaga 13 müňe golaý palestinaly ýogaldy.