Eýranyň Daşary işler ministri Jewad Zarif gabaw astyndaky Gaza garşy agyr hüjümlerini dowam etdirýän Ysraýyla 735 million dollarlyk takyk ok-därileriň satylmagyna rugsat beren we BMG-nyň Howpsuzlyk geňeşiniň hüjümleriň bes edilmegi baradaky tagallalara böwet bolýan ABŞ-nyň hökümetine reaksiýa bildirdi.
Zarif Twitterden beren beýanatynda: "Amerikada öndürilen ok-däriler bigünä palestinalylaryň üstüne ýagýan mahaly ABŞ has köp çagany takyklyk bilen öldürip bilmegi üçin Ysraýyla 735 million dollarlyk başga takyk raketalar berýär" diýip habar berdi.
ABŞ-nyň Ysraýylyň Palestinadaky hüjümleri bilen baglanşykly BMG-nyň Howpsuzlyk geňeşiniň bermegi meýilleşdiren umumy beýanata hem böwet bolýandygyny aýdan Zarif: "ABŞ BMG-nyň Howpsuzlyk geňeşiniň iň kiçi beýanatyna hem böwet bolýar. Ysraýyl we tarapdary pis ýüzüni görkezýän mahaly dünýä olara tomaşa edýär" diýip belledi.