Italiýanyň çempionaty “Serie A”-da tapgyryň merkezi oýny Milan derbisinde “Inter” ezeli bäsdeşi “Milany” 42 hasabynda utmagy başardy. 1-nji ýarymyň ahyrlarynda Rebiçiň we Ibrahimowiçiň gollary bilen 2-0 öňe saýlanan “Milan” 2-nji ýarymda üstünligini saklap bilmedi. 51-nji we 53-nji minutlarda, ýagny 2 minutda Brozowiçiň we Weçinonyň gollary bilen hasaby deňlän “Inter” ýene-de 2 pökgi geçirip, derbini ýeňiş bilen tamamlady. 4-2 hasabynda ýeňiş gazanan “Interiň” soňky 2 goluny De Wrij bilen Romelu Lukaku derwezä girizdi.
Bu ýeňişden soň, “Ýuwentus” bilen utugyny deňlän “Inter” 1-nji orna geçdi.
“Ýuwentus” ýene ýeňildi“Serie A”-da sanawyň öňki lideri “Ýuwentus” myhmançylykda “Weronadan” 21 asgyn geldi.Ronaldonyň goly bilen öňe geçen turinliler soňky 15 minutda Borininiň we Pazzininiň gollaryna çäre tapyp bilmedi. “Ýuwentusyň” portugaliýaly ýyldyzy Ronaldo çempionatda bassyr 19-njy duşuşygynda-da tapawutlanyp, bu ugurda toparyň rekordyny goýdy. “Serie A”-da “Lasio” myhmançylykda “Parmany” Kaisedonyň goly bilen 10 ýeňmegi başardy. “Romadyr” “Napoli” öz meýdançasynda degişlilikde, “Sassuolo” we “Leççeden” 32 utuldy.
Ispaniýanyň çempionaty “La Ligada” sanawyň lideri “Real Madrid” myhmançylykda “Osasunany” 41 hasabynda ýeňdi.Oýunda “Reala” ýeňiş getiren gollary Isko, Ramos, Lukas Wazkes hem-de Luka Ýowiç derwezä girizdi.
Duşuşykda 1 goluň pasyny beren Karim Benzema “Real Madridiň” taryhynda 133 asistlik netije görkezen ilkinji futbolçy boldy. “Barselona” bolsa myhmançylykda “Betisi” kynlyk bilen 32 hasabynda ýeňlişe sezewar etdi. 21 öňe saýlanan “Betisiň” derwezesinde katalonlara ýeňiş getiren gollary Franki De Ýong, Buskets hem-de Langle öz atlaryna ýazdyrdylar.
Tapgyryň merkezi oýnunda 3-nji orunda “Hetafe” öz meýdançasynda “Walensiýanyň” torundan jogapsyz 3 pökgi girizdi.
Germaniýanyň çempionaty “Bundesligada” tapgyryň merkezi oýnunda, ýagny 12-nji orunlarda barýan “Bawariýa” bilen “Leipsigiň” özara duşuşygynda hasap açylmady. Ýöne tapgyryň iň gyzykly geçen duşuşygynda bolsa, janköýerler 7 goluň şaýady boldular. Çekeleşikli geçen oýunda “Baýer” bilen “Borussiýa Dortmund” duşuşdy. 2 gezek öňe saýlanan dortmundlylar 2 minutda 2 gol geçirdip, meýdançany utuksyz terk etdiler (43).
Soňky tapgyrlarda şowly netijeler gazanan “Aýntraht” öz meýdançasynda “Augsburgyň” derwezesinden jogapsyz 5 gol girizdi.
Aratapawut 4 utuga düşdiPortugaliýada 2-nji orundaky “Porto” 1-nji basgançakdaky “Benfikany” 32 ýeňip (Oliweiro 10, Aleks Teýýes 38 p, Ruben Dias 44 ö.d. — Winisius 65, 85), täzeden çempionlyk ýaryşyna goşuldy. Şeýlelikde, iki toparyň arasyndaky utuk aratapawudy 4-e düşdi. Çempionatda 2-nji gezek utulan “Benfika” topary “Portodan” öz meýdançasyndaky duşuşykda-da asgyn gelipdi.
Portugaliýanyň çempionatynda möwsüme juda şowly başlan “Famalikao” topary öz meýdançasynda “Witoriýadan” 70 hasabynda ýeňildi.Fransiýanyň çempionaty “Ligue 1”-de “Liony” 42 ýeňen PSŽ 12 utuk öňde barýar. “Marseliň” öz meýdançasynda “Tuluzany” Paýetiň ýeke-täk goly bilen ýeňen tapgyrynda “Monako” myhmançylykda “Amieni” 21 utdy. “Monako” topary Ben Ýedderiň 85-nji, Slimaniniň 90+3-nji minutlarda geçiren gollary bilen ýeňşini baýram etdi.Angliýanyň çempionatynda 26-njy tapgyryň çäginde 3 oýun oýnaldy.
Ançelottiniň tälimçilige bellenmeginden soň, şowly netijeler alýan “Ewerton” öz meýdançasynda “Kristal Palasy” 31 ýeňdi. Şeýle-de “Bornmuty” 21 hasap bilen utan “Şeffild Ýunaýted” 5-nji orna beýgeldi.