AFK Çempionlar ligasynda ýapon topary “Urawa Red Daýmonds” çempion boldy.Ol finalda Saud Arabystanynyň “Al-Hilal” toparyny jogap duşuşygynda 10 hasabynda ýeňip, taryhynda 2-nji gezek kubogy eýeledi. Ýaponlara ýeňiş getirene ýeke-täk goly 88-nji minutda Rafael Silwa derwezä girizdi.
Mälim bolşy ýaly, Er-Riýaddaky 1-nji duşuşyk 11 tamamlanypdy. Şeýlelikde, “Urawa Red Daýmonds” 2007-nji ýyldan soň, 2-nji ýola yklymyň iň uly kubogyny gazanmagy başardy.Bu üstünlik ýapon toparlarynyň şu ýaryşdaky 6-njy çempionlygydyr. 2 sapar kubogy eýelän “Al-Hilal” bolsa, 4-nji gezek finaldan eli boş gaýtdy. Ýaryşyň iň gymmatly oýunçysy diýlip, çempion toparyň ýyldyzy Ýosuke Kaşiwagi saýlandy. 10 gol geçiren “Al-Hilalyň” siriýaly hüjümçisi Omar Karbin iň netijeli hüjümçi baýragyny eýeledi.