Ýaponiýanyň demirgazygyndaky Akita welaýatynyň Ýokote şäherinde ýaşaýan daýhan agramy 80 kilogramlyk garpyz ösdürip ýetişdirdi.Sebitde her ýylda garpyzlaryň bäsleşigi geçirilýär.Bu ýylky ýaryşda birinji bolan garpyzyň “Carolina Cross” sortuna degişlidigi mälim edildi. Ýaryşa jemi 7 sany äpet garpyz hödürlenipdir.
Birinji bolan garpyzy ösdürip ýetişdiren Ýamamoto Toşio 30 ýyldan gowrak wagt bäri daýhançylyk edýändigini belleýär. Ýeri gelende bellesek, Ginnesiň rekordlar kitabynyň maglumatyna görä, iň agyr garpyzyň agramy 159 kilogram bolup, 2013-nji ýylda hasaba alnypdyr.
Bu garpyzy ABŞ-nyň Tennessi ştatynda ýaşaýan Kris Kent ösdürip ýetişdiripdir.