Ýewropanyň Airbus kompaniýasy Hytaýyň Týanszin şäherindäki önümçilik desgasynda gurlan 800-nji uçaryny Air China awiakompaniýasyna gowşurdy. Şeýlelikde, Ýewropanyň daşyndaky önümçilikde täze sepgide ýetildi. 2008-nji ýylda ulanmaga berlen bu desga Airbus-yň Ýewropanyň daşyndaky ilkinji ýygnaýjy desgasydyr.
Kompaniýa golaýda bu ýerdäki zawodyny has-da giňeldip, A320 uçarlaryny öndürýän ikinji konweýeri işe girizipdi. Şeýlelikde, kompaniýa Aziýa-Ýuwaş ummany sebitindäki sargytlary has gysga wagtda ýerine ýetirmegi meýilleşdirýär.
Gunça Kiçiýewa,
Halkara ynsanperwer ylymlary we ösüş uniwersitetiniň talyby.