ABŞ-nyň Deňiz güýçleriniň Eýranyň strategik suw ýolundan geçişleri çäklendirendigine garamazdan Ormuz bogazyndan gämi gatnawy dowam edýär.
Gabaw duşenbe güni Eýranyň ýerli wagty boýunça sagat 17:30-da, halkara wagt boýunça 14:00 da başlady. Şol günden bäri 14 gämi aýlaga girdi, 7 gämi bolsa bogazdan çykdy.
Anadoly habarlar gullugynyň berýän habaryna görä, sişenbe güni halkara wagt boýunça 20:10-a çenli jemi 25 gämi bogazdan geçdi, 13 gämi bolsa bogazda galdy.
4 sanysy tanker bolan şol gämileriň arasynda Liberiýanyň baýdagyny göterýän ýük gämisi Kristianna, ABŞ-nyn sanksiýa sanawynda ýer alýan nebit tankerleri Riç Starry we Murlikishan bilen Panamanyň baýdagyny göterýän Peace Gulf hem bar.
Sişenbe gününden bari Aýlag tarapynda 2 müň gäminiň galandygy, 400 gäminiň hem Ormuz arkaly Aýlaga girmek üçin garaşýandygy habar berildi.
Gämi gatnawyna gözegçilik edýän Marine Traffigiň görkezijileri, ABŞ-nyň sanksiýalaryna garamazdan gämileriň bogazdan geçýändigini görkezdi.
ABŞ-nyň Prezidenti Donald Tramp, Waşington bilen Tähranyň arasynda hepdäniň ahyrynda Yslamabatda geçirlen gepleşikleriň netijesiz tamamlanmagyndan soň duşenbe güni Türkiýe wagty bilen sagat 14:00-dan başlap Ormuz bogazyny gabaw astyna alandyklaryny mälim etdi.