27-nji iýunda prezident Berdimuhamedow Türkmenistanyň kesellere garşy göreş boýunça adatdan daşary komissiýasynyň ýolbaşçylary–saglyk ministri Nurmuhammet Amannepesow we içeri işler ministriniň orunbasary Öwezdurdy Hojanyýazow bilen duşuşyp, Covid-19 ýokanjyny maslahatlaşdy.
Mundan soňra polisiýa Aşgabadyň köçelerinde ýüz örtgi dakylyşyna berk gözegçilige başlady diýip “Türkmenistanayň Hronikasynyň” habarçylary maglumat berýärler.
Koronawirus keseli bilen bagly girizilen çaklendirmeleri aprel aýynda gowşatdylar we tertip-düzgüne gözegçilik edýän wekiller owal jerimeler salsalarda,maskany dogry geýmeýänlere ýakyn wagta çenli bellik etmediler.
Jokrama yssy başlandan soňra, Aşgabadyň etrapçalarynyň ýaşaýjylary binanyň töwereginde maskasyz gezdiler we ýakyndaky dükanlara hem maskasyz gitdiler. Ýöne, bulara hem hukuk goraýjylar üns bermediler.
Emma, 27-nji iýunda paýtagtyň ýaşaýyş etrapçalarynda köpsanly plisiýa peýda boldy we olar ýüz örtgi dakmak düzgünlerini bozanlary tutmaga başladylar. Şol sanda, 10,11 we 30-njy ýaşaýyş etrapçalarynda hem “Altyn asyr”bazarda adamlary tutdylar.
Kanun bozujylaryň ählisini golaýdaky polisiýa merkezine eltip, protokol ýazdylar we olara jerimeler salyndy. Onuň möçberi owalkysy ýaly 25 manada deň.
Mundan owal adatdan daşary komissiýanyň 19-njy iýundaky maslahatyndan soňra Aşgabat häkimliginiň wekilleri ýaşaýyş jaýlarynyň ýerzeminlerindäki dükanlary ýapmaga başladylar.
Emma, dükan eýelerine munuň sebäbini düşündirmediler.The post Adatdan daşary komissiýanyň maslahatyndan soňra Aşgabatda maska dakylyşyna gözegçiligi güýçlendirdiler first appeared on Türkmenistanyň Hronikasy.