Alfa Romeo-nyň ilkinji doly derejeli elektrik modeli 2024-nji ýylda çykar. Bu Brennero atly kiçijik krossower bolar diýip, italýan markasynyň başlygy Žan-Filipp Imparato salgylanyp, Automotive News Europe neşiri ýazýar. Ol haryt hatarynda ýakynda hödürlenen Tonale-den bir basgançak aşakda ýerleşer.
Brennero STLA Small platformasynda gurnalar. Bu platforma PSA fransuz topary Stellantis birleşigine girmänkä, CMP hökmünde bellidi. Batareýa wersiýasyndan daşary täze awtoulag ýangyç görnüşini hem alar. Bu “Alfanyň” önümçiligi Polşadaky zawodda generasiýa üýtgedilende STLA Small platformasyna geçiriljek geljekki Jeep Renegade we Fiat 500X bilen ugurdaş ýola goýlar.
2025-nji ýylda Alfa Romeo-da içerki ýangyç hereketlendirijili meňzeşi bolmadyk ilkinji elektromobil peýda bolar. Şondan soň brendiň täze önümleriniň ählisi doly elektrik bolar, 2027-nji ýyla çenli bolsa kompaniýa içerki ýangyç hereketlendirijili awtoulaglary önümçilikden aýrar.