Aşgabadyň Altyn asyr futbol topary AFK-nyň kubogy ― 2023/24-iň dördünji tapgyrynyň çäginde Aşgabat şäherinde geçirilen duşuşykda Marynyň Merwini 1:0 hasabynda ýeňdi.
Duşuşykdaky ýeke-täk goly 34-nji minutda Oraz Orazow geçirdi. Gol pasyny bolsa kapitan Ahmet Ataýew berdi.
Ikinji ýarymda duşuşyk Merwiň ýiti hüjümlerine baý bolan hem bolsa, olary hasaby deňlemek başartmady. Şeýlelikde, duşuşyk aragatnaşykçylaryň minimal hasapdaky ýeňşi bilen tamamlandy.
E toparçadaky ugurdaş duşuşykda Gyrgyzystanyň Abdyş-Atasy öz meýdanynda Täjigistanyň Rawşanyny 1:0 hasabynda ýeňdi.
Yzda galan dört tapgyryň duşuşyklaryndan soň Abdyş-Atanyň 10, Altyn asyryň 7, Merw bilen Rawşanyň 2 utugy bar.
Indiki tapgyrda 30-njy noýabr güni Altyn asyr öz meýdanynda Abdyş-Atany, Merw Rawşany kabul eder.