Robot tehnologiýasynda iň öňdebaryjy Ameca roboty ýüzüň mimikasy arkaly 10-dan gowrak duýgyny aňlatmaga ukyplydyr. Olaryň arasynda närazylyk, ezýet çekmek, hatda ökünmek ýaly emosiýalar hem bar diýip, Habar 24 ýazýar.
Ameca robotyny işläp düzüji britan alymlary onuň adamlar bilen robotlaryň özara gatnaşygyny öwrenmek üçin döredilendigini aýdýarlar. Mundan başga-da gumanoid ýapon, nemes, hytaý we iňlis dillerinde gürleşmegi, şeýle-de şiweleriň aýratynlyklaryny aňlatmagy başarýar.
Ilkinji gezek bu robot 2021-nji ýylda Youtubede görkezilip, tomaşaçylary haýran galdyrypdy.