Apple iOS 16-nyň bäşinji beta-wersiýasynda iPhone-nyň zarýadynyň göterim sanyny batareýasynyň belgisine gaýtaryp getirdi. Bu barada The Verge portaly habar berýär.
Ilkibaşdan köne iPhone-larda göterimler belginiň çep tarapynda ýerleşýärdi.Emma iPhone X modelden başlap, Apple bu praktikadan ýüz öwürmegi karar etdi — onsuzam kese kesikden ýaňa ekranyň ýüzünde ýer azdy.
Smartfonyň zarýadynyň näçe azalandygyny bilmek üçin Dolandyryş nokadyna girmeli bolýardy başga çäre ýok.iOS 16-nyň çykmagy bilen bu mesele çözüler — göterimler batareýanyň täzelenen belgisi bilen gaýdyp gelerler.
The Verge-niň habar bermegine görä, operasion ulgamyň täze wersiýasynyň beta-testeri bilen bu funksiýany Akkumulýator bölüminde aýratyn işletmeli bolar. Şol bir wagtda iPhone XR-de, iPhone 11-de, iPhone 12 mini-de we iPhone 13 mini-de bu funksiýa elýeter däldir.
Megerem, iOS 16-nyň ählumumy görkezilişine çenli bu düzedilse gerek.Apple operasion ulgamynyň täze wersiýasy bolan iOS 16 iPhone-nyň eýelerine 2022-nji ýylyň sentýabrynda gowşar.