“Arkadag” futbol topary AFK-nyň Çempionlar ligasy — 2 bäsleşiginiň toparçalaýyn tapgyryny üstünlikli tamamlady. Dekabr aýynyň 24-ne geçirilen duşuşykda türkmen kluby Bahreýniň “Al-Haldiýa” toparyny 1:0 hasaby bilen ýeňip, toparçadaky ikinji orny eýelemegi başardy. Bu ýeňiş “Arkadag” toparyny ýaryşyň 1/16 final tapgyryna çykmaga mümkinçilik döretdi.
Bäsleşigiň düzgünnamasyna laýyklykda, “Arkadag” topary ýaryşyň 1/16 final tapgyrynda Günbatar zolagynyň toparçalarynda birinji orny eýelän toparlaryň biri bilen duşuşar. Anyk garşydaş 30-njy dekabrda geçiriljek bije çekişliginiň dowamynda belli bolar.
Häzirki wagtda türkmen futbol toparynyň mümkin bolan garşydaşlarynyň hatarynda sebitiň güýçli wekilleri — Saud Arabystanynyň “Al-Nasr”, Omanyň “Al-Wasl” hem-de Iordaniýanyň “Al-Hussein” toparlary görkezilýär.
Ýatlap geçsek, şu ýylyň maý aýynda “Arkadag” futbol topary 2024/25 möwsüminiň Aziýanyň Futbol konfederasiýasynyň Çagyryş ligasynyň çempiony boldy. Final duşuşygynda türkmen topary Kambojanyň “Preah Khan Reach Svay Rieng” klubyny 2:1 hasaby bilen ýeňdi. Bu taryhy üstünlik Pnompendäki "Moredok Techo" milli stadionynda geçirildi.
Neşirimize ýazylmak üçin:
Instagram: Biznes Türkmenistan
X: Biznes Türkmenistan
Dzen: Бизнес Туркменистан