Aşgabatda ýerleşýän Gül Zemin söwda-dynç alyş merkezinde Aşgabat — dizaýn şäherim atly taslamanyň çäklerinde geçirilen Moda hepdeligi — 2022 moda tanyşdyryşynyň jemleýji tapgyry boldy. Hepdeligiň ahyrky gününde Mähirli Zenan kompaniýasy döredijilikli ýerine ýetirilen lybaslaryny tanyşdyrdy.
Mähirli Zenanyň dizaýnerleriniň we hünärmenleriniň döreden lybaslary häzire çenli Aşgabat şäherinde hem-de daşary ýurtlarda geçirilen moda tanyşdyryşlarynda tomaşaçylarda ajaýyp aýratynlyklary bilen ýatdan çykmajak täsirleri galdyryp gelýär. Moda hepdeligi — 2022 hem kompaniýanyň täzeliklerini ýaýmak üçin nobatdaky çäre boldy.
Görkezme sahnasynda kompaniýanyň ýerine ýetiren milli äheňdäki lybaslary, gündelik we agşam dabaralary üçin niýetlenen zenan egin-eşikleri, ýaglyklary we çabytlary, keteniden hem-de mahmaldan tikilen, gadymy milli nagyşlar bilen bezelen üstki lybaslary köpçüligiň dykgatyna ýetirildi. Moda tanyşdyryşynda ýaş modaçylar bolsa kompaniýanyň kiçi ýaşlylar üçin tikýän dürli hili lybaslaryny görkezdiler.
Aýratyn-da, Mähirli Zenanyň täze güýzki lybaslar kolleksiýasyndan özüniň gözellik terbiýesine kybaplygy, milli aýratynlygy, kaşaňlygy, reňk sazlaşyklylygy we inçe duýgy döredijiligi bilen tapawutlanýan lybaslary tomaşaçylarda uly täsir galdyrdy.
Şeýle-de okaň: