6-njy maýda geçen hökümet mejlisinde agro-senagat toplumy boýunça wise-premýer Esenmyrat Orazgeldiýew oba hojalyk pudagyndaky ýagdaýlar barasynda prezident Serdar Berdimuhamedowa hasabat berdi diýip TDH döwlet täzelikler gullugy maglumat berýär.
Şeýlede wise-premýer şugundyr tohumyny we oba hojalyk ekinleri üçin mineral dökünler satyn almak barada kararyň taslamasyny hem hödürledi we oňa prezident gol goýdy.
Şonuň ýalyda,kiçi Berdimuhamedow ekin ekilen ýerleriň suwarylyşyny, derýalaryň, kanallaryň ýagdaýlaryny, olaryň arassalanyşyny we suw tygşytlaýan enjamlaryň ornaşdyrylyşyny analizlemegi hem tabşyrdy.
Ýatlatsak, hut şeýle görkezmeleri 2017-2018-nji ýyllarda öňki prezident hem beripdi.
Kiçi Berdimuhamedowyň belleýşiçe, wise-premýer garamagyndaky ministrlikleriň we edaralaryň ýolbaşçylary bilen tiz-tizden etraplara aýlanmaly, daýhan birlşikleriniň işleri we oba hojalgynda reformalar boýunça maksatnamalar bilen ýerlerde tanyşmaly, şeýlede olara zerur kömekleri etmeli.
Ýatlatsak, 3-nji maýdaky hökümet maslahatynda prezident Ahal,Daşoguz we Mary welaýatynyň häkimlerine Milli oba hojalyk maksatnamasyny ýerine ýetirmändikleri üçin käýinç yglan edipdi.The post AST boýunça wise-premýere tiz-tizden etraplara aýlanmak, kanallary arassalamak we suwy tygşytlamak tabşyryldy first appeared on Türkmenistanyň Hronikasy.