Sowet we gruzin aktýory, aýdymçy hem-de kinorežissýor Wahtang Kikabidze düýn 84 ýaşynda aradan çykdy. Ol soňky ýyllarda agyr keseli başdan geçirdi diýip, Gruziýanyň Mtawari arhi teleýaýlymyna salgylanyp, MIR 24 habar berdi.
Wahtang Kikabidze 1938-nji ýylda Tbiliside dünýä indi. 1966-njy ýylda Orera aýdym-saz toparynyň agzasy boldy we Dagdaky duşuşyk atly ilkinji filminde surata düşdi. Bir ýyldan soňra Gam çekme! atly filmde döreden keşbi üçin Kartahenede geçen halkara kinofestiwalda baýraga mynasyp boldy.
1977-nji ýylda Mimino atly filmde döreden uçarman Walentin Mizandariniň keşbi üçin SSSR-iň Döwlet baýragyny aldy. Bu film artiste öňki Soýuzyň ähli künjeginde meşhurlyk getirdi, onuň gahrymanynyň sözleri dessine halk içinde giňden ýörgünli boldy.
Wahtang Kikabidze 2020-nji ýylda Gruziýanyň Mejlisiniň deputaty boldy.
2016-njy ýylda Kikabidzäniň dürli milletleriň wekilleri barada nowellalary özünde jemleýän Olar atly kitaby çap edildi.