Ispaniýanyň Şa kubogyny (Copa del Rey) bassyr 3-nji ýola “Barselona” topary gazandy.Olar 115-nji gezek geçirilen ýaryşyň finalynda “Alawes” toparyndan 31 hasabynda üstün çykdy. “Wisente Kalderonda” oýnalan oýnuň gollarynyň ählisi-de 1-nji ýarymda derwezä uruldy.
Katalonlaryň adyndan Messi (30), Neýmar (45), Alkaser (45+1), ilkinji gezek finala çykan “Alawesdenem” Teo (33) tapawutlandy. “Barselona” Şa kubogyna 29-njy gezek mynasyp bolup, 23 kubokly 2-nji hatarda barýan “Atletikden” ýene-de arany açdy.* * *Portugaliýanyň kubogy bäsleşiginiň finalynda “Benfika” bilen “Witoria de Gimaraýnş” toparlary duşuşdy. 1-nji ýarymda hasap açylmady. “Benfika” 48-nji minutda Raul Himenesiň hem-de 53-nji minutda-da Eduardo Salwionyň gollary bilen öňe saýlandy.
Bonganu Zungunyň 78-nji minutdaky goly “Witoria” toparyna ýeňiş üçin ýeterlik bolmady. 2-1 hasabynda ýeňiş gazanan “Benfika” 2014-nji ýyldan soň, 26-njy gezek kubogy eýelemegi başardy.